Oniay tinmumbok ya impaimano na makabat ya ari ed saray tobonbalo: “Ana’ko, denglen mo so panangibangat na amam, tan agmo ikaindan so pamatunong nen inam. Ta sikara naani sakey a balanget na gayaga ed ulom, tan bakbaklaw a nibariber ed tenger mo.”​—Uliran 1:8, 9.

Diad tua, asaglawi ed intiron Biblia a say pamilya so manunan yunit ed pananginabang na edukasyon. (Efeso 6:1-3) Diad pangunor na ananak ed mananisian atateng da, piguratibon aarkosan day inkasikara na madekorasyon a balanget na inkasanting tan kulintas na kagalangan.