LEKSION 38
Pablien so Regalo ya Bilay
Dakel so nae-enjoy tayo lapud bilay. Anggano wala ray problema, siansia nin balibali manbilay. Panon tayon nipanengneng ya papablien tayoy regalo ya bilay? Tan antoy sankaimportantian ya rason no akin ya gawaen tayo itan?
1. Akin et papablien tayo so bilay?
Say bilay et regalo na maaron Ama tayo, si Jehova, kanian papablien tayo itan. Sikato so “subol na bilay”—pinalsa to so amin ya mabilay. (Salmo 36:9) “Sikaton mismo so mangiiter ed amin a totoo na bilay tan linawa tan amin a bengatla.” (Gawa 17:25, 28) Iiter nen Jehova iray kaukolan tayo pian manbilay. Pero aliwan satan labat, ginawa to met ya makapaliket so bilay tayo.—Basaen so Gawa 14:17.
2. Panon tayon nipanengneng ya papablien tayoy regalo nen Jehova ya bilay?
Ilulukon ka ni labat, aasikasoen ka la nen Jehova. Nabasa ed Biblia so impikasi na sakey ya lingkor na Dios ya si David, imbaga to: “Anengneng mo ak la anggan sanen ilulukon ak ni labat.” (Salmo 139:16) Papablien ya maong nen Jehova so bilay mo. (Basaen so Mateo 10:29-31.) Nasakitan no gagalaen na sakey ya panampoten so bilay na arum o anggan say mismon bilay to.a (Exodo 20:13) Nasasakitan met si Jehova no ipeligro tayoy bilay tayo odino bilay na arum lapud aliwa tayon maalwar. No aalwaran tayoy bilay tayo tan na arum, ipapanengneng tayon papablien tayoy mabmablin regalo ya bilay.
DAKEL NI NAARALAN MO
Amtaen no panon mon nipanengneng ya papablien mo so regalo ya bilay.
3. Asikasom so sarilim
Lapud indedika na saray Kristiano so bilay da ed si Jehova pian manlingkor ed sikato, singa da inyapay so laman da bilang bagat. Basaen so Roma 12:1, 2, insan ebatan iraya:
Akin et asikasoen moy laman mo?
Panon mon nagawaan itan?
4. Manalwar ka pian agka nadisgrasya odino ompatey
Bibilinen itayo na Biblia ya iwasan iray delikado ya kagagawa. I-play so VIDEO pian naamtaan no anto ray gawaen mo pian safe ka.
Basaen so Proverbio 22:3, insan pantongtongan no panon kan magmaliw ya safe tan say arum . . .
diad abung.
diad trabaho.
diad sports.
no manda-drive odino akalugan.
5. Respetoen so bilay na agni niyanak ya ugaw
Balibali impangibaga nen David, ya iimanoen tan interesado si Jehova ed agni niyanak ya ugaw. Basaen so Salmo 139:13-17, insan ebatan iya:
Diad pakanengneng nen Jehova, kasin onggagapo so bilay no ilulukon ni labat so sakey odino no niyanak la?
Nensaman diad Israel, wala ray ganggan nen Jehova ya namprotekta ed saray kainaan tan saray lukon da. Basaen so Exodo 21:22, 23, insan ebatan iraya:
Antoy pakanengneng nen Jehova ed sakey ya agto ginagalan apatey so agni niyanak ya ugaw?
Antoy nalikna to no ginagala na sakey ya gawaen itan?b
Antoy nibagam ed satan ya panmoria o pakanengneng na Dios?
Anggano say sakey a bii et papablien toy bilay, ompan isipen ton say ultimon solusyon et manpa-abort. Basaen so Isaias 41:10, insan ebatan iraya:
No say sakey et na-pressure ya manpa-abort o manpaekal, siopay kerewan toy tulong? Akin ey?
IBABAGA NA ARUM: “Karapatan na bii no labay toy manpa-abort, ta laman to!”
Antoy akakombinse ed sika ya papablien nen Jehova so bilay na ina tan na lukon to?
SUMARYO
Ibabangat na Biblia ya aroen, respetoen, tan alwaran tayoy regalo nen Jehova ya bilay. Kaibad saya so bilay tayo, tan bilay na arum.
Rebyu
Akin et mabmabli ed si Jehova so bilay na too?
Antoy nalikna nen Jehova no say sakey et gagalaen ton panampoten so bilay na sakey a too?
Akin et papablien mo so regalo ya bilay?
DISKOBRIEN
Panon tayon pisalamatan si Jehova ed regalo ya bilay?
Amtaen so ebat ed tepet ya, Kasin perdonaen na Dios so sakey ya nampa-abort?
“Antoy Ibabaga na Biblia Nipaakar ed Aborsion?” (Artikulo ed website)
Amtaen no antoy pakanengneng nen Jehova ed bilay pian makapampili na dugan sports o panagrelaks.
“‘Delikado Iran Sports’—Salien Mo Ni Kasi?” (Onliing!-E, Oktubre 8, 2000)
Amtaen no panon ya makatulong so Biblia ed sakey ya labay to lay manbikkel.
“Labay Ko Lay Ompatey—Natulongan Ak Kasi na Biblia No Iisipen Koy Manbikkel?” (Artikulo ed website)
a Walay malasakit nen Jehova ed saramay asugatay puso ra. (Salmo 34:18) Natatalosan toy sakit ya nalilikna na saramay labay day manbikkel, tan labay to ran tulongan. Pian naamtaan no panon ya ontutulong so Dios pian nakontrol day nalilikna da, basaen so artikulo ya “Labay Ko Lay Ompatey—Natulongan Ak Kasi na Biblia No Iisipen Koy Manbikkel?” ya walad seksion ya Diskobrien ed sayan leksion.
b No say sakey et nampaekal nensaman, agdapat sobsobra so pakakonsiensia to. Sikatoy naperdona nen Jehova. Parad kaaruman ya impormasyon, nengnengen so artikulo ya “Antoy Ibabaga na Biblia Nipaakar ed Aborsion?” ya walad seksion ya Diskobrien ed sayan leksion.