• 15A Sanagin Paabang a Bibii
    Say Dugan Panagdayew ed si Jehova—Nipawil a Siansia!

    • Sanagin Paabang a Bibii

      Diad Ezequiel kapitulo 23, nabasa tayo so panangukom na Dios ed totoo to lapud ag-ira nanmatoor. Dakel so piparaan na satan a kapitulo ed kapitulo 16. Singa sayan akaunan salaysay, inusar met na kapitulo 23 so ilustrasyon nipaakar ed paabang a bii. Nabasa tayo ya say Jerusalem so yugtan tan say Samaria so atsi to. Ipapanengneng na saratan ya kapitulo no panon ya inalig na yugtan so prostitusyon ya gagawaen na atsi to balet mas grabe ni so ginawa ton kaugsan tan imoralidad. Diad kapitulo 23, nginaranan nen Jehova so sanagi: Ohola so ngaran na panguloan, say Samaria, ya capital a syudad na samploran tribu a panarian na Israel; Oholiba so ngaran na yugtan, say Jerusalem, ya capital a syudad na Juda.a​—Eze. 23:1-4.

  • 15A Sanagin Paabang a Bibii
    Say Dugan Panagdayew ed si Jehova—Nipawil a Siansia!

    • a Importantin imanoen iratan ya ngaran. Say kabaliksan na Ohola et “Say Tolda To [Parad Panagdayew]”​—nayarin lapud mangipapaalagey nensaman so Israel na saray sarili ton sentro na panagdayew imbes ya onlad samay templo nen Jehova diad Jerusalem. Say Oholiba balet et kabaliksan toy “Say Toldak [Parad Panagdayew] et Walad Sikato.” Diad Jerusalem so kawalaan na abung ya pandadayewan ed si Jehova.