• Aaroen nen Jehova Iramay ‘Manbubunga tan Mansusungdo’
    Say Panag-bantayan (Panaralan)—2018 | Mayo

    • 7. (a) Siopay irerepresenta na “tomatanem,” “sengeg na ubas,” tan saray “sanga”? (b) Anton tepet so labay tayon naebatan?

      7 Basaen so Juan 15:1-5, 8. Imanoen so imbaga nen Jesus ed saray apostol to: “Nigloria so Amak no mantultuloy kayon manbunga na dakel tan paneknekan yon sikayo ray disipulok.” Deniskribe nen Jesus si Jehova bilang “tomatanem,” sikato balet et bilang “sengeg na ubas,” tan saray disipulo to bilang saray “sanga.”b Anto sirin so bunga a nepeg a pawalaen na saray patumbok nen Kristo? Diad sayan ilustrasyon nen Jesus, agto direktan imbaga no anto itan ya bunga, balet sikatoy angiter na importantin detalye ya makatulong pian naamtaan tayoy ebat.

      8. (a) Diad sayan ilustrasyon, akin ya say bunga et ag-ontutukoy ed saray balon disipulo? (b) Antoy napatnagan ed saray igaganggan nen Jehova ed sikatayo?

      8 Oniay imbaga nen Jesus nipaakar ed Ama to: “Eekalen tod siak so kada sanga ya agmanbubunga.” Labay ton ibaga, ipasen itayo labat nen Jehova bilang lingkor to no manbunga itayo. (Mat. 13:23; 21:43) Kanian diad sayan ilustrasyon, say bunga ya nepeg a pawalaen na kada Kristiano et ag-ontutukoy ed saray balon disipulo ya nayarin atulongan tayo. (Mat. 28:19) Ta no onman, ompaway a saramay matoor ya agagi ya anggapoy napapakiwas dan magmaliw a disipulo nen Jesus, lapud agmaawat iray totoo ed teritoryan pampupulongan da, et singa samay agmanbubungan sanga diad ilustrasyon nen Jesus. Balet aliwan makatunongan itan! Akin? Lapud agtayo nayarin puersaen iray totoo ya magmaliw a disipulo. Kontra itan ed linawa nen Jehova, agto itayon balot piliten ya gawaen so bengatlan agtayo nasarag. Amin ya igaganggan nen Jehova ed sikatayo et sarag tayon gawaen.​—Deu. 30:11-14.

      9. (a) Nawalaan itayo na bunga no mibiang tayo ed anton kimey? (b) Anton ilustrasyon so aralen tayo, tan akin?

      9 Anto sirin so bunga ya nepeg tayon pawalaen? Malinew ya say tutukoyen to yan bunga et say kimey ya nagawaan na kada sakey ed sikatayo. Anto itan a kimey ya mamawalay bunga? Say panagpulong na maong a balita na Panarian na Dios.c (Mat. 24:14) Prupruebaan iya na ilustrasyon nen Jesus nipaakar ed tomatanem. Aralen tayo iyan komaduan ilustrasyon.