• Saray Naaralan Tayo ed Agi nen Jesus
    Say Panag-bantayan (Panaralan)—2022 | Enero

    • MAGMALIW YA MAPAABEBA YA SINGA SI SANTIAGO

      Si Santiago legan ya manka-karpentero tan abigla ta nampanengneng si Jesus ed sikato kayari na inkioli to.

      Lapud mapaabeba si Santiago, anisian tampol ya si Jesus so Mesias nen nampanengneng ed sikato, tan manlapu lad saman et nagmaliw ya matoor ya patumbok nen Jesus (Nengnengen so parapo 5-7)

      5. Antoy ginawa nen Santiago nen nampanengneng ed sikato si Jesus kayari na inkioli to?

      5 Kapigan nagmaliw ya disipulo nen Jesus si Santiago? “Nampanengneng [si Jesus] ed si Santiago” kayari na inkioli to. (1 Cor. 15:7) Manlapu lad saman, nagmaliw ya patumbok nen Jesus si Santiago kanian anguma-uman so bilay to. Sikatoy kaiba la na saray apostol diad sakey a kuarto ed Jerusalem nen aalagaren day pakaawat da na masanton espiritu. (Gawa 1:13, 14) Ag-abayag, sikatoy nanlingkor met bilang membro na mananguley ya ulop nen inmunan siglo. (Gawa 15:6, 13-22; Gal. 2:9) Tan antis na 62 C.E., sikatoy pinakiwas na Dios ya sulatan iray alanaan ya Kristiano. Satan ya sulat to et pakaaralan tayo nin siansia anggad natan, balanglan say ilalo tayo et manbilay diad tawen o diad dalin. (Sant. 1:1) Base ed imbaga na sakey ya historian nen inmunan siglo ya si Josephus, si Santiago et impapatey na Atagey a Saserdoten si Ananias, ya anak nen Anas. Nansiansian matoor si Santiago anggad impatey to.