LEKSION 52
No Akin ya Importante so Panangawes tan Panag-ayos Tayo
Nandurumay labay tayon panangawes tan panag-ayos. No unoren tayo ray pigaran simplin prinsipyo na Biblia, agti labat makapampili na duga tan labay tayo, imbes napaliket tayo met si Jehova. Pantongtongan tayo so pigara ed saratan ya prinsipyo.
1. Anto ran prinsipyo so makatulong pian makapampili tayo na dugan panangawes tan panag-ayos?
Dapat manpili tayo na “matukoy a panangawes, a mangipatnag na kasimpitan tan limpion kanonotan,” tan pansiansiaen tayon malinis so itsura tayo a pakanengnengan ya “mandadayew [tayo ed] Dios.” (1 Timoteo 2:9, 10) Nia ray apatiran prinsipyo: (1) Dapat “matukoy” so panangawes tayo. Anganko nanenengneng mod aral ed kongregasyon ya nandurumay panangawes na totoo nen Jehova, pero nanengneng nin siansia ed panangawes tan ayos na buek mi ya rerespetoen mi so Dios. (2) Say labay ya ibaga na ‘masimpit’ ya panangawes et aliwan manaakit tan agto alaen so atension na arum. (3) Nipapanengneng tayoy “limpion kanonotan” no agtayo misasabayan ed uso. (4) Dapat lanang tayon ipanengneng ed panag-ayos tan panangawes tayo ya “mandadayew [tayod tuan] Dios.”—1 Corinto 10:31.
2. Akin et nonoten tayoy arum no manpipili tayo na isulong?
Tua, karapatan tayoy manpili na isulong. Pero kailangan tayon isipen no antoy epekto to ed arum. Agtayo labay ya nabigla o naopendi so arum, imbes labay tayon “paliketen so . . . kapara [tayon] too parad pankaabigan to, pian sikatoy napabiskeg.”—Basaen so Roma 15:1, 2.
3. Panon ya makatulong so panangawes tayo pian nagustoan na arum so mandayew ed si Jehova?
Lanang tayon seseguroen ya duga so panangawes tayo. Pero lalo la no mimiaral o manpupulong tayo. Agtayo labay ya nabalang so pokus na totoo ed mensahe tayo. Imbes, labay tayo ya “lalon naparakep [na itsura tayo] so bangat na Dios a Manangiliktar tayo.”—Tito 2:10.
DAKEL NI NAARALAN MO
Amtaen no panon tayon nasegurado ya matukoy so panangawes tan itsura tayo bilang Kristiano.
Nanengneng ed itsura tayo no rerespetoen tayo ray totoon walaan na autoridad. Anggano nababasa nen Jehova so walad puso tayo, dapat nanengneng met ed itsura tayo ya sikatoy rerespetoen tayo
4. No desente so itsura tayo, nipapanengneng tayon rerespetoen tayoy Jehova
Antoy sankaimportantian ya rason no akin ya kailangan tayon seguradoen ya desente so itsura tayo? Basaen so Salmo 47:2, insan ebatan iraya:
Lapud irerepresenta tayo si Jehova, panon tayon mangawes?
Kailangan ni kasin ikonsidera so panangawes tan panag-ayos tayo no miaral tan manpulong tayo? Akin ey?
5. No panoy makapampili na dugan panangawes tan panag-ayos
Balanglan mabli o andi so kawes tayo, dapat malinis tan matukoy ed okasyon. Basaen so 1 Corinto 10:24 tan 1 Timoteo 2:9, 10. Insan ta pantongtongan no akin ya agtayo mansulong na . . .
akulastay odino masyadon casual.
mapitpitat, mankaninag, odino makapaakit.
Anggano aliwa lan sakop na Mosaikon Ganggan iray Kristiano, naamtaan ed satan so iisipen nen Jehova. Basaen so Deuteronomio 22:5, insan ebatan iya:
Akin et agtayo mansusulong o manaayos ya singa laki no bii tayo, odino singa bii no laki tayo?
Basaen so 1 Corinto 10:32, 33 tan 1 Juan 2:15, 16, insan ebatan iraya:
Akin et alwaran tayoy panangawes tan panag-ayos tayo pian anggapoy naopendi diad lugar odino kongregasyon tayo?
Anton style na panangawes so uso ed lugar yo?
Parad sika, ayos labat kasi iratan ed sakey ya Kristiano? Akin ey?
Sarag tayoy mangawes tan manayos diad nanduruman paraan tan siansian napaliket si Jehova
IBABAGA NA ARUM: “Akauley ak ya manpili, ta siak so mangisulong!”
Duga kasi itan? Akin ey?
SUMARYO
No duga ray pipilien tayon panangawes tan panag-ayos, nipapanengneng tayoy respeto ed si Jehova tan ed arum.
Rebyu
Akin et importante ed si Jehova so panangawes tan panag-ayos tayo?
Anto ray pigaran prinsipyo ya makatulong no manpipili tayo na panangawes tan panag-ayos?
Antoy impresyon na arum ed panagdayew tayo lapud panangawes tan panag-ayos tayo?
DISKOBRIEN
Amtaen no anto kasi pakanengneng na arum ed sika lapud panangawes mo.
Aralen no akin ya kailangan ya manisip nin maong antis ya manpa-tato.
“Antoy Ibabaga na Biblia Tungkol ed Tato?” (Artikulo ed website)
Amtaen iray arum nin makatulong ya prinsipyo diad pandesisyon tayo.
“Kasin Napapagalangan so Dios ed Panangawes Mo?” (Say Panag-bantayan, Setyembre 2016)
Antoy akatulong ed sakey ya bii pian naawat ton personal ya desisyon so panangawes tan panag-ayos?
“Subok ed Siak so Panangawes tan Panag-ayos” (Onliing!-E, Disyembre 22, 2003)