BILAY NA KRISTIANO

“Mankontento Kayo ed Saray Bengatlan Walad Sikayo”

No mairap so bilay tayo, ompan natukso tayon manggawa na bengatlan nayarin maneral na relasyon tayo ed si Jehova. Singa bilang, ompan walay mangiyoopresi ed sikatayo na trabaho ya baleg so sueldo balet ta napaulyanan tayoy panaglingkor ed si Jehova. Makatulong no dalepdepen tayoy Hebreo 13:5.

“Komon ta agnapatnagan ed kabibilay yo so panangaro ed kuarta”

Manpikasi ka tan isip mon maong no anton talagay panmoriam ed kuarta, tan no anton alimbawa so ipapanengneng mod saray ananak mo.—g 10/15 6.

“Mankontento kayo ed saray bengatlan walad sikayo”

Isip mon maong no anton talagay kaukolan mo.—w16.07 7 ¶1-2.

“Agta kan balot taynanan, tan agta kan balot paulyanan”

Mantiwala kan itarya nen Jehova iray pankaukolan mo no tuloytuloy mon iyuna ed bilay mo so Panarian.—w14 4/15 21 ¶17.

Saray Litrato: Saray eksena ed video ya “No Panon ya Nalilikna na Agagi Tayo so Deen na Liknaan Anggano Mairap so Bilay Da.” 1. Manmamasa si Miguel ed abay na pugon diad paway na abung da. 2. Manplaplantsa na kawes. 3. Akanengneng ed espiho tan akaimis si Miguel legan ya manpaparaan ya mantrabaho ed sakey ya hardware store.

BANTAYAN SO VIDEO YA NO PANON YA NALILIKNA NA AGAGI TAYO SO DEEN NA LIKNAAN ANGGANO MAIRAP SO BILAY DA, INSAN EBATAN IYAN TEPET:

Antoy naaralan mo ed eksperiensya nen Miguel Novoa?

Say ebat mo