Lawas Matoor

1. Manmatoor ed Jehova,

Ipatnag tayoy aro.

Bilang lingkor, dedikado,

Amtaen ti’ ganggan to.

Ag-onsaew so bilin to,

Tuloken tayo ’ratan.

Panmatalkan si Jehova;

Diad dapag to ag-onsian.

2. Manmatoor ed agagi,

Lawas a pilimogan.

Manaroan, mantulongan,

Tan manrerespetoan.

Agti’ manpapaulyanan

No walay kairapan.

No say Biblia, ipapuso

Onelet so ulopan.

3. Manmatoor ed agagi

A mangidadaulo.

Ontulok a masimoon,

Paigiya itayo.

Diad ontan walay bendisyon,

Tan ombiskeg itayo.

No matoor ti’d Jehova,

Mansiansia ti’d aro to.