Pananguman ed Midweek ya Aral

Onggapo diad simba na Setyembre 3, say datin 25 minuto ya Panagaral na Kongregasyon ed Biblia et gawaen lan 30 minuto. Diad introduksion na mangikondukta, nepeg ya usaren toy sakey minuto pian repasoen so apalabas ya inaral. I-adjust met so oras na Pantitipon Parad Panagserbi, imbes ya 35 et gawaen lan 30 minuto. Anggapo lay akabiig ya parte parad saray pakabat. Imbes, antokaman ya pakabat et ibaga lad gapo na unonan parte. Kaslakan et daiset labat so kaukolan ya pakabat no bilang ta wala, tan agla kaukolan ya ibaga no anto ray ipresenta ed aral. Saray pakabat nipaakar ed pawayan tan eskedyul na panlinis, ontan met ed saray pakumusta et agnepeg ya ibaga. (km 10/08 p. 1, par. 4) No medyo andukey so pakabat, mas maabig no amta na saramay walay betang ed aral pian patikeyen day betang da.