Manpapasesegan

1. Legan ti’n manpapasesegan

A si Jehova’y lingkoran,

Bedber na aroy mas ombiskeg

Tan mansiansiay kareenan.

Say aroan ti’n sanaagi,

Mamawalay panagsungdo.

Say kongregasyon et salimbeng,

Pasen a maligen tayo.

2. No say salita et nibesngaw

Diad matukoy a panaon

Agaylan abig ’tan a denglen

Ligliwaen to so pusom.

Marakdakep so pikimeyan

Ed saray kapananisia!

Komon ta manpapabiskegan

Pian diad irap ontalona.

3. Baleg ya agew nen Jehova,

Amta tayon asingger la,

Kanian nepeg ti’n mantitipon

Pian mansiansia’d pananisia.

Komon amin ti’ saniiba

A manlingkor a maando.

Sirin diad pampapasesegan

Makapanmatoor tayo.