No Panon ya Napaelet na Sanasawa so Relasyon Da

Si Abraham tan Sara et maong ya alimbawa parad saray sanasawa ya inaro tan rerespetoen day sakey tan sakey. (Ge 12:11-13; 1Pe 3:6) Balet, aliwan perpekto so panamaley da tan wala ray subok ed bilay da ya kaukolan dan anosan. Antoy naaralan na saray sanasawa no amtaen day nipaakar ed si Abraham tan Sara?

Mantongtong kayo. No walay aliwan imbaga na asawam ta nasyosyodotan o naiirita, nepeg ya marespeto ka nin siansia ya onebat. (Ge 16:5, 6) Nepeg ya walay panaon yo ya parad sikayon dua labat. Ipanengneng mod ibabagam tan gagawaen mo ya inar-arom so asawam. Tan say sankaimportantian, seguroen ya manuna si Jehova ed sikayo diad saniba ya panaral, pampikasi, tan pandayew yo. (Ec 4:12) No mabiskeg so relasyon yo, napapagalangan si Jehova, say Lapuan na sayan sagradon uksoyan.

BANTAYAN SO VIDEO YA NO PANON YA NAPAELET SO RELASYON NA SANASAWA, TAN EBATAN IRAYA:

• Diad samay dramatization, anto ray pigaran pakapatnagan ya onaarawi lay liknaan nen Shaan tan Kiara ed sakey tan sakey?

• Akin ya importante so matuan pantongtong na sanasawa?

• Panon ya akatulong so alimbawa nen Abraham tan Sara ed si Shaan tan Kiara?

• Anto ray ginawa nen Shaan tan Kiara pian napaelet day relasyon da?

• Akin et nepeg ya realistiko so iilaloan na sanasawa ed sakey tan sakey?