Saray Naaralan ed Bilay nen Samuel

Nansiansian matoor si Samuel ed si Jehova diad interon bilay to. Nen ugaw ni, agto inalig iray mauges ya ananak nen Eli ya si Hofni tan Finehas. (1Sa 2:22-26) Nantultuloy a binmaleg si Samuel, tan nansiansia si Jehova ed sikato. (1Sa 3:19) Anggan nen masiken la, intultuloy toy matoor ya panaglingkor to ed si Jehova anggano aliwan ontan so ginawa na ananak to.—1Sa 8:1-5.

Antoy naaralan tayod alimbawa nen Samuel? No ugaw ka ni, tandaan mo ya natatalosan nen Jehova iray problema ya dadalanen mo, pati say naliliknam. Tulongan to kan magmaliw ya makpel. (Isa 41:10, 13) No sakey kan ateng tan tinmunda lan manlingkor ed si Jehova so anak mo, naligliwa ka no isipen mon agpinilit nen Samuel iray wala lad edad ya ananak to ya mansiansian matoor ed saray estandarte nen Jehova. Impalima to ed si Jehova so situasyon tan nansiansian matoor kanian apaliket toy Ama tod tawen, si Jehova. Agtayo nibaga, pero ompan lapud maabig ya alimbawam et ompawil ed si Jehova so anak mo.

BANTAYAN SO VIDEO YA MAKAARAL TAYO ED SIKARA—SAMUEL, INSAN EBATAN IRAYAN TEPET:

• 

  Panon ya nampakpel si Samuel nen ugaw ni?

• 

  Panon ya nampakpel si Danny?

• 

  Panon ya angipanengneng na maong ya alimbawa si Samuel nen maedad la?

• 

  Panon ya angipanengneng na maong ya alimbawa iray atateng nen Danny?