LEKSION 14
Panon Tayon Nasegurado ya Awaten na Dios so Panagdayew Tayo?
Naaralan ed Leksion 13 ya aliwan amin ya relihyon et aawaten na Dios. Balet, sarag tayon dayewen so Amalsa ed sikatayo diad paraan ya labay to. Anto so “paraan na panagdayew [odino, relihyon]” ya aawaten to? (Santiago 1:27, paimanod leksab) Amtaen tayo so ibabangat na Biblia.
1. Panon tayon naamtaan no awaten na Dios so panagdayew tayo?
Naamtaan tayo itan diad Biblia. Imbaga nen Jesus ed Dios: “Say salitam et katuaan.” (Juan 17:17) Ibabaliwala na arum ya relihyon so katuaan ya walad Salita na Dios, say Biblia. Sasalatan da itan na bangat tan tradisyon na saray totoo. Pero, kabusol nen Jehova iramay ‘mangipupulisay ed ganggan to.’ (Basaen so Marcos 7:9.) Balet, napaliket tayo so Dios no aralen tayo so Biblia tan unoren tayo iray bilin to.
2. Panon tayon dayewen si Jehova?
Si Jehova so Amalsa ed sikatayo, kanian sikato labat so dayewen tayo, tan karapatan to ’tan. (Apocalipsis 4:11) Labay ton ibaga, sikatoy aroen tayo tan sikato labat so dayewen tayo, ya agtayo manguusar na saray idolo, imahen, o litrato.—Basaen so Isaias 42:8.
Dapat “masanto tan makapaliket” so panagdayew tayo ed si Jehova. (Roma 12:1) Labay ton ibaga, unoren tayo iray ganggan to. Singa bilang, saray mangaarod si Jehova et inaro tan uunoren da ray ganggan to ed panangasawa. Iiwasan da met iray makapuy ya bisyo, singa say panagsigarilyo, panag-drugs, tan panagbuanges.a
3. Akin et dayewen tayoy Jehova kaiba iray arum ya mandadayew ed sikato?
Saray sinimban aral et pankanawnawa tayo ya “idayew [si] Jehova . . . diad kongregasyon.” (Salmo 111:1, 2) Say sakey ya paraan et say pangansion na panangidayew ed Dios. (Basaen so Salmo 104:33.) Labay nen Jehova ya miaral tayo lapud inar-aro to tayo tan amta to ya ontulong iratan pian nawalaan tayoy bilay ya anggapoy anggaan. No mantitipon tayo, napabiskeg tayoy arum tan pati sikatayo.
DAKEL NI NAARALAN MO
Amtaen no akin ya aglabay nen Jehova ya mangusar tayo na saray imahen ed pandadayew ed sikato. Aralen iray importantin paraan no panon tayon nidayew so Dios.
4. Agtayo dapat mangusar na saray imahen ed panagdayew tayo
Panon tayon amta ya kabusol itan na Dios? I-play so VIDEO, insan ebatan iya.
Nensaman, diad panaon na Biblia, antoy agawa nen sinali na saray totoo na Dios so mangusar na idolo diad panagdayew dad sikato?
Wala ray arum ya pakalikna da, mas maapit irad Dios no mangusar iray imahen ed panagdayew da. Pero, agkasi mas onarawi laingen so liknaan na Dios ed sikara? Basaen so Exodo 20:4-6 tan Salmo 106:35, 36, insan ebatan iraya:
Antoy napapansin mon uusaren na totoo ya gamit o imahen diad pandadayew da?
Anto kasi nalilikna nen Jehova no manguusar iray imahen?
Sika ey, antoy nibagam?
5. Nibulos tayo ed saray tilan bangat no si Jehova labat so dayewen tayo
Amtaen no panon tayon nibulos ed saray palson bangat no dayewen tayoy Jehova diad paraan ya labay to. I-play so VIDEO.
Basaen so Salmo 91:14, insan ebatan iya:
Antoy imbaga nen Jehova ya gawaen to parad sikatayo no sikatoy aroen tayo tan sikato labat so dayewen tayo?
6. Dayewen tayo so Dios diad saray aral ed kongregasyon
Nidadayew tayoy Jehova tan napapabiskeg tayo so kada sakey no mangakansion tan mankokomento tayo ed saray aral. Basaen so Salmo 22:22, insan ebatan iraya:
Kasin agustoan mo ray komento diad aral?
Labay mo met so manparaan pian makapankomento ka?
7. Naliliketan si Jehova no ibabaga tayod arum so nanaaralan tayo
Dakel so paraan ya nibaga tayod arum so katuaan ya walad Biblia. Basaen so Salmo 9:1 tan 34:1, insan ebatan iya:
Anto ray naaralan mod Biblia ya labay mon ibagad arum?
IBABAGA NA ARUM: “Agtayo naasinggeran so Dios ta makasalanan tayo.”
Antoy nibagam ey?
SUMARYO
Awaten itayo na Amalsa no sikato labat so dayewen tayo. Sikatoy napaliket tayo no idayew tayo diad saray aral tan no ibaga tayod arum so nanaaralan tayo.
Rebyu
Panon mon naaralan so dugan panagdayew ya aawaten na Dios?
Akin et si Jehova labat so dayewen tayo?
Akin et dayewen tayoy Dios kaibay arum ya mandadayew met ed sikato?
DISKOBRIEN
Diad istorya ya say title to et “Agak La Manpapaaripen ed Saray Idolo,” basaen no panon ya nitunda na sakey ya bii so mandayew ed saray idolo.
“Uumanen na Biblia so Bilay” (Say Panag-bantayan, Hulyo–Setyembre 2011)
Aralen no antoy ontulong ed sika pian makapankomento ka ed saray aral.
“Idayew si Jehova Diad Kongregasyon” (Say Panag-bantayan, Enero 2019)
Amtaen no panon ya atulongan so sakey ya laki nen akiaral anggano aliwan mainomay itan parad sikato.
Panisiaan na dakel ya no Kristiano ka, mangusar ka na krus ed panagdayew mo. Pero, duga kasi ’tan?
“Akin et Agmanguusar na Krus Iray Tasi nen Jehova?” (Artikulo ed website)
a Pantongtongan iraya diad onsublay iran leksion.