LEKSION 26

Akin et Walay Kaugsan tan Paniirap?

Printed Edition

“Akin?” Atan so maslak ya itetepet na totoo no wala ray trahedya. Maong labat ta walay malinew ya ebat na Biblia ed satan ya tepet.

1. Panon ya inggapo nen Satanas so kaugsan ed mundo?

Si Satanas ya Diablo et nanrebelde ed Dios. Labay nen Satanas ya kontrolen so arum, kanian inimpluensyaan toy unonan totoo, si Adan tan si Eva, ya manrebelde met. Tinilaan to si Eva. (Genesis 3:1-5) Apanisia nen Satanas si Eva ya walay isisiblet nen Jehova ed sikato. Pinapaway to ya mas maliket so too no agto unoren so Dios. Si Satanas so sankaunaan ya nantila nen imbaga to ed si Eva ya ag-ompatey. Kanian sikatoy tinawag na Biblia ya “matila tan ama na tila.”—Juan 8:44.

2. Antoy pinili nen Adan tan Eva?

Maiter si Jehova ed si Adan tan si Eva. Imbaga tod sikara ya nayarian day mangan na anggan dinan ya bunga na kiew ed hardin na Eden, puera labat ed sakey. (Genesis 2:15-17) Pero, nandesisyon iran kanen imay imbawal ya bunga. “Amudbor na bunga [si Eva] tan kinan to.” Insan, “kinan” met nen Adan. (Genesis 3:6) Pareho ra ya agda inunor so Dios. Lapud perpekto si Adan tan Eva, matmainomay da ya gawaen so duga. Balet ginagala da ya agda unoren so Dios. Kanian nankasalanan ira tan imbaliwala da so Dios bilang manuley da. Lapud satan ya desisyon da, nanirap iran maong.—Genesis 3:16-19.

3. Akin et adamay tayo ed desisyon nen Adan tan Eva?

Nen nankasalanan si Adan tan Eva, nagmaliw iran aliwan perpekto. Kanian amin ya ananak da et aliwa met lan perpekto ta impatawir da itan. Oniay imbaga na Biblia tungkol ed si Adan: “No panon a diad panamegley na sakey a too et linmoob ed mundo so kasalanan, tan say patey ed panamegley na kasalanan, ontan met a say patey et kinmayat ed amin a totoo.”—Roma 5:12.

Nandurumay rason no akin ya maniirap tayo. No maminsan, maniirap tayo lapud aliwan desisyon tayo. No maminsan et lapud aliwan desisyon na arum, tan no maminsan et lapud wala tayo ed lugar ya walay ag-iilaloan ya nagawa.—Basaen so Eclesiastes 9:11.

DAKEL NI NAARALAN MO

Amtaen no akin ya aliwan say Dios so panlalapuan na kaugsan tan paniirap na mundo natan, tan no antoy nalilikna to ed paniirap tayo.

4. Say natetel ed paniirap tayo

Panisiaan na dakel ya say Dios so mangokontrol ed interon mundo. Tua kasi itan? I-play so VIDEO.

VIDEO: Siopay Mangokontrol ed Mundo? (1:24)

Basaen so Santiago 1:13 tan 1 Juan 5:19, insan ebatan iya:

Kasin say Dios so panlalapuan na paniirap tan kaugsan?

5. Amtaen no antoy agawa manlapu nen manuuley lay Satanas

I-play so VIDEO.

VIDEO: Akin et Aabuloyan na Dios so Paniirap?—Video Clip (3:07)

Basaen so Genesis 3:1-6, insan ebatan iraya:

Antoy intila nen Satanas?—Nengnengen so bersikulo 4 tan 5.
Panon ya pinapaway nen Satanas ya walay isisiblet nen Jehova ed saray totoo?
Parad si Satanas, kailangan ni kasi na totoo si Jehova ya manuley ed sikara pian magmaliw iran maliket?

Basaen so Eclesiastes 8:9, insan ebatan iya:

Antoy agawa ed mundo nen aliwa lan si Jehova so manuuley?

Litrato: Situasyon na planetan dalin manlapu la nen pinalsa anggad Paraiso. A. Paraison dalin ya mabuna iray tantanaman. B. Uley na too nensaman ya pinano day dalin na palson relihyon, inkaapag-apag, guerra, tan polusyon. Arum ed saray makapanyarin gobierno ya walad litrato et say Egypt, China, Greece, Rome, Great Britain, tan United States. C. Totoon manaayam ed nipawil ya Paraison dalin.

Perpekto si Adan tan Eva, tan manaayam ira ed Paraiso. Balet dinengel da si Satanas tan nanrebelde ira ed si Jehova
Kayari na samay impanrebelde, nagmaliw ya makasalanan iray totoo, maniirap ira tan ompapatey
Panampoten nen Jehova so kasalanan, paniirap, tan patey. Magmaliw lamet ya perpekto iray totoo, tan manayam ira ed Paraiso

6. Naeermenan si Jehova no maniirap tayo

Wala kasi pibabali na Dios ed paniirap tayo? Amtaen so insulat nen Arin David tan apostol Pedro. Basaen so Salmo 31:7 tan 1 Pedro 5:7, insan ebatan iya:

Antoy aliknam nen naamtaan mo ya walay malasakit nen Jehova tan naeermenan no maniirap tayo?

7. Ekalen na Dios so amin ya paniirap na totoo

Basaen so Isaias 65:17 tan Apocalipsis 21:3, 4, insan ebatan iya:

Akin et makapabiskeg ya naamtaan ya ekalen nen Jehova so amin ya mauges ya nagagawa ed totoo?

Kasin antam?

Nen imbaga nen Satanas so sankaunaan ya tila, pinauges to si Jehova. Labay ton ibaga, dineral toy reputasyon nen Jehova, say patas tan maaron Manuley. Diad arapen, no ekalen la nen Jehova so paniirap na totoo, ipawil to so maong ya reputasyon to. Diad arum ya salita, pruebaan to ya sikatoy sankamaongan ya manuley. Say pamasanto ed ngaran nen Jehova so sankaimportantian ed interon uniberso.—Mateo 6:9, 10.

IBABAGA NA ARUM: “Pagsubok labat na Dios iray paniirap tayo.”

Antoy ibagam ey?

SUMARYO

Si Satanas ya Diablo, si Adan tan Eva, so manunan natetel ed saray mauges ya nagagawa ed mundo. Naeermenan ya maong si Jehova no maniirap tayo, tan magano to lan ekalen so paniirap tayo.