Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Hunyo 25, 2012. Akasulat iray petsa no anton simba pantongtongan so kada punto pian makapan-research sano manpaparaan parad eskuelaan kada simba.
1. Antoy nipasegurod sikatayo diad samay impakaliktar nen Jeremias anggaman ed sobran kairapan ed ekonomya? (Jer. 37:21) [Mayo 7, w97 9/15 p. 3 par. 4–p. 4 par. 1]
2. Diad anto ran paraan ya aaligen na saray Kristianon walay ilalon manbilay ed dalin so maabig ya ehemplo nen Ebed-melec? (Jer. 38:8-13) [Mayo 7, su-E p. 179 par. 9]
3. Lapud inusar nen Jehova iray bantay odino guardia nen Nabucodonosor pian protektaan si Jeremias tan Baruc, duga kasin onkerew na proteksion iray Kristiano ed saray armadon pulis natan? (Jer. 39:11-14) [Mayo 14, w83-E 7/15 p. 31]
4. Anto ran “baleg a bengatla” so nayarin aanapen nen Baruc parad sarili to, tan diad inkiwas tod simbawa nen Jehova, antoy naaralan tayo nipaakar ed no iner tayo nepeg ya isentroy imano tayo? (Jer. 45:5) [Mayo 21, w06 8/15 p. 18 par. 1; p. 19 par. 6]
5. Diad impaneskribe tod makatunongan ya panangibales ed Edom, akin et impanengneng nen Jehova ya sikato so duma ed ‘managbudbor na ubas’ tan “tulisan” odino matakew? (Jer. 49:9, 10) [Mayo 28, w77-E p. 442 par. 7–p. 443 par. 1]
6. Anton importantin leksion so naaralan tayo ed agawad si Arin Zedekias nen sikatoy “inmalagey a sumpa ed ari na Babilonia”? (Jer. 52:3, 7-11) [Hunyo 4, w88-E 9/15 p. 17 par. 8; w81-E 4/1 p. 13 par. 3-4; p. 14 par. 6]
7. Anto so ‘gagatonan na sali’ nen Jehova? (Tag. 2:1, 6) [Hunyo 11, w07 6/1 p. 9 par. 2]
8. Antoy labay ya ibaga nen Jeremias nen imbaga ton sikatoy walad “pakanodnonotan” nen Jehova tan “nampaabeba” si Jehova, tan akin ya importante iya ed sikatayo? (Tag. 3:20) [Hunyo 18, w07 6/1 p. 11 par. 2]
9. Akin a makagunggona ed sakey ya naaralan to lan awiten so pako legan ya wala nid kalangweran? (Tag. 3:27) [Hunyo 18, w07 6/1 p. 11 par. 4; w87-E 2/15 p. 24 par. 1]
10. Panon ya ontulong ed sikatayo so ehemplo nen Ezequiel pian makpel ya mansalita anggano ag-interesado ray arum? (Eze. 3:8, 9) [Hunyo 25, w08 7/15 p. 8 par. 6-7]