Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Abril 29, 2013. Akasulat met iray petsa no anton simba pantongtongan so kada punto pian makapan-research sano manpaparaan parad eskuelaan kada simba.

1. Anton seryoson panonot so imbaga nen Jesus nipaakar ed panangasawa ya walad Marcos 10:6-9? [Mar. 4, w08 2/15 p. 30 par. 8]

2. Antoy labay ya ibaga na panlingkor ed si Jehova ed interon kamarerwa? (Mar. 12:30) [Mar. 4, w97 10/15 p. 13 par. 4]

3. Anto ran “kairapan” [“ermen,” Say Biblia] so tutukoyen na Marcos 13:8? [Mar. 11, w08 3/15 p. 12 par. 2]

4. Anto ran reperensya so kinonsulta nen Lucas sanen insulat toy Ebanghelyo to? (Luc. 1:3) [Mar. 18, w09 3/15 p. 32 par. 4]

5. Lapud amta tayon si Satanas et manaalagar na “maabig a pankanawnawa” pian subokey katooran tayo, antoy nepeg tayon gawaen? (Luc. 4:13) [Mar. 25, w11 1/15 p. 23 par. 10]

6. Panon tayon niyaplika so nabasad Lucas 6:27, 28? [Mar. 25, w08 5/15 p. 8 par. 4]

7. Akin et sarag lan perdonaen nen Jesus iray kasalanan na sakey a bii anta agto ni inyapay so bilay to bilang dondon bagat? (Luc. 7:37, 48) [Abr. 1, w10 8/15 p. 6-7]

8. Diad anton pantalos a saray papatumbok nen Kristo et “busolen” o “gulaen” da so kakanayon da? (Luc. 14:26, ftn; Say Biblia) [Abr. 15, w08 3/15 p. 32 par. 1; w92-E 7/15 p. 9 par. 3-5]

9. Antoy magmaliw ya epektod totoo na saray “tanda ed agew tan bulan tan bibitewen”? (Luc. 21:25) [Abr. 22, w97 4/1 p. 15 par. 8-9]

10. No makaeksperiensya tayoy grabe iran subok, panon tayon naalig so impampikasi nen Jesus? (Luc. 22:44) [Abr. 29, w07 8/1 p. 6 par. 2]