Dios Ta Interesa den Nos?

BO TA sinti bo carga emocionalmente pa motibo di problema cu bo famia, salu, trabou of pa via di otro responsabilidadnan pisa? Hopi hende ta sinti nan asina. Y ken no ta ser afecta awendia door di inhusticia, crimen y violencia? Si, ta precis manera Bijbel ta bisa: ‘Henter e creacion ta keha y ta sufri dolor, te awor.’ (Romanonan 8:22) Ta di compronde cu hopi hende ta puntra: ‘Dios no ta interesa? Lo e no yuda nos?’

E Rei sabi Salomon a bisa Dios den oracion: “Abo so conoce curason di e yiunan di hende.” Salomon tawatin confiansa cu Dios no solamente conoce nos sino tambe ta interesa den cada un di nos. E por a pidi Dios pa ‘tende for di shelo’ y contesta e oracion di cada hende cu ta teme Dios y ta revela na Dios “su mes afliccion y su mes dolor.”—2 Cronicanan 6:29, 30.

Awendia, keto bai Yehova Dios ta interesa den nos y ta invita nos pa acudi na dje den oracion. (Salmo 50:15) E ta priminti di contesta oracionnan sinsero cu ta na harmonia cu su boluntad. (Salmo 55:16, 22; Lucas 11:5-13; 2 Corintionan 4:7) Si, Yehova ta scucha ‘cualkier oracion of suplica cu un hende of cu henter su pueblo haci.’ Pues, si nos pone confiansa den Dios, pidie pa yudansa den oracion y hala serca dje, nos lo experencia su cuido amoroso y guia. (Proverbionan 3:5, 6) E escritor di Bijbel Santiago ta sigura nos: “Hala serca Dios y e lo hala serca boso.”—Santiago 4:8.