E Djentenan di un Cocolishi di Lama

E cocolishi di lama aki (nomber na Latin: Patella vulgata), cu tin un casca forma di cone, tin djente masha duro mes. Su djentenan ta consisti di fibra fini y bon comprimi di un mineral duro, conoci como goethita, cu ta hinca den un base mas suave di proteina.

Pensa un rato riba lo siguiente: E cocolishi aki tin manera un lenga cu tin yen di rij di djente curva. Cada djente curva ta midi menos cu 1 milimeter. Ora e ta come, e lenga aki ta fungi como un raspa. Cada djente mester ta masha fuerte y duro mes pa e por raspa kita e alga for di riba e superficie di baranca.

Algun investigador a uza un microscop hopi poderoso pa midi con fuerte e djentenan aki ta. Nan a descubri cu e djentenan di e cocolishi aki ta mas fuerte cu cualkier otro material cu nan a yega di test; e ta hasta mas fuerte cu hilo di seda di haraña. E investigador cu a guia e team di investigacion a bisa: “Nos mester cuminsa pensa pa copia e diseño aki den cosnan cu nos ta traha.”

Investigadornan ta pensa cu por uza imitacion di e material di e djentenan di e cocolishi aki den construccion di auto, boto, avion, y hasta den djente falso.

Kico bo ta pensa? Acaso e structura impresionante di e djente di e cocolishi aki a bin pa casualidad of ta un persona a diseñ’e?