Ken Maria Magdalena Tabata?
Loke Bijbel ta bisa
Maria Magdalena tabata un fiel siguidor di Hesucristo. Muy probablemente, el a haya su nomber Magdalena for di e stad Magdala (kisas Magadan) cu ta cerca di Lama di Galilea caminda kisas Maria a biba un tempo.
Maria Magdalena tabata un di e hende muhernan cu a biaha cu Hesus y su discipelnan y a sostene nan materialmente. (Lucas 8:1-3) El a mira con Hesus a ser mata y tabata un di e prome personanan cu a wak Hesus despues di su resureccion.—Marco 15:40; Juan 20:11-20.
Maria Magdalena tabata un prostituta?
Bijbel no ta bisa cu Maria Magdalena tabata un prostituta. Loke si Bijbel ta bisa tocante Maria Magdalena ta cu Hesus a saca shete demoño for di dje.—Lucas 8:2.
Dicon hopi hende ta kere cu e tabata un prostituta prome cu el a bira un discipel di Hesus? Siglonan despues cu Maria Magdalena a muri, algun hende a pensa cu e tabata e mesun muher (cu probablemente tabata un prostituta) cu a laba Hesus su pia cu su lagrimanan y a seca nan cu su cabey. (Lucas 7:36-38) Sinembargo, no tin base biblico pa esaki.
Maria Magdalena tabata “apostel di e apostelnan”?
No. Iglesia Catolico ta yama Maria, “Santa Maria Magdalena” y “apostel di apostelnan” pasobra e tabata un di e prome hendenan cu a trece noticia tocante Hesus su resureccion pa e apostelnan. (Juan 20:18) Pero esey no ta hacie un apostel. Y Bijbel no ta duna nos niun motibo pa kere cu e tabata un apostel.
Maria Magdalena tabata casa di Hesucristo?
No. De hecho, Bijbel ta bisa bon cla cu Hesus no tabata casa.a
a Wak e articulo “Hesus Tabata Casa? E Tabatin Ruman?”