Génesis

10 Awor ta sigui historia di Sèm, Kam i Yáfèt, e yu hòmbernan di Noe.

Nan yunan a nase despues di Diluvio. 2 Yáfèt tabata tata di Gómer, Magòg, Madai, Yávan, Tubal, Mésèk i Tíras.

3 Gómer tabata tata di Áskenas, Rífat i Togarma.

4 Yávan tabata tata di Elisa, Társis, Kitim i Dodanim.

5 Eseinan tabata e antepasadonan di e hendenan ku a establesé nan mes riba e islanan,* kada un segun nan idioma, segun nan famia i segun e nashon ku nan tabata pertenesé na dje.

6 Kam tabata tata di Kus, Mizraim,* Put i Kánan.

7 Kus tabata tata di Seba, Havila, Sabta, Rama i Sabteka.

Rama tabata tata di Seba i Dédan.

8 Kus tabata tata di Nímròd tambe. Nímròd tabata e promé hòmber poderoso riba tera. 9 El a bira un yagdó* poderoso ku tabata bai kontra* Yehova. Ta p’esei hende sa bisa: “E persona ei ta meskos ku Nímròd, un yagdó poderoso ku tabata bai kontra Yehova.” 10 E promé statnan* di su reino tabata Bábel, Érek, Ákad i Kalne, na pais Sínar. 11 Nímròd a sali for di e pais ei, i el a bai Asiria i konstruí Nínive, Réhobòt-Ir, Kala 12 i Résen, ku tabata keda entre Nínive i Kala. Tur e statnan ei huntu tabata e stat grandi.*

13 Mizraim tabata tata di Ludim, Anamim, Lehabim, Naftuhim, 14 Patrusim, Kasluhim i Kaftorim.* E filisteonan tabata desendiente di Kasluhim.

15 Kánan tabata tata di Sídòn—kende tabata su yu mayó—i tata di Hèt. 16 Kánan tabata antepasado di e yebuseonan, e amoreonan, e guirgasitanan, 17 e heveonan, e arkitanan, e sinitanan, 18 e arvaditanan, e semaritanan i e hamatitanan. Despues e famianan di e kananeonan a plama bai tur kaminda. 19 Pues, e frontera di e kananeonan tabata kore for di Sídòn te na Gérar, pegá ku Gaza, i te na Sódoma, Gomora, Adma i Zeboim, pegá ku Lasa. 20 Eseinan tabata e desendientenan di Kam, segun nan famia, segun nan idioma, segun nan teritorio i segun e nashon ku nan tabata pertenesé na dje.

21 Sèm, antepasado di tur e yunan di Éber i ruman hòmber di Yáfèt esun mayó,* tambe tabatin yu. 22 E yu hòmbernan di Sèm tabata Élam, Ásur, Arpaksad, Lud i Áram.

23 Áram tabata tata di Uz, Hul, Géter i Mas.

24 Arpaksad tabata tata di Sela, i Sela tabata tata di Éber.

25 Éber tabatin dos yu hòmber. Un di nan tabata yama Pélèg,* pasobra den tempu di Pélèg, e habitantenan di tera a ser plamá.* Pélèg su ruman hòmber tabata yama Yòktan.

26 Yòktan tabata tata di Almodad, Selèf, Hazarmavèt, Yera, 27 Hadoram, Uzal, Dikla, 28 Óbal, Abimaèl, Seba, 29 Ófir, Havila i Yóbab. Nan tur tabata yu hòmber di Yòktan.

30 E teritorio kaminda nan tabata biba tabata for di Mesa te na Séfar, den e serunan di Oriente.

31 Eseinan tabata e desendientenan di Sèm, segun nan famia, segun nan idioma, segun nan teritorio i e nashon ku nan tabata pertenesé na dje.

32 Eseinan tabata e famianan di Noe, segun nan famia i e nashon ku nan tabata pertenesé na dje. E nashonnan ku a plama na tur parti di tera despues di Diluvio a bini for di nan.