Salmo

67 Dios lo tene miserikòrdia di nos i bendishoná nos.

Lo e demostrá ku e ta kontentu ku nos.* (Sela)

 2 Asina hende rònt mundu por siña konosé bo kaminda,

i tur nashon por sa ku abo ta Salbador.

 3 O Dios, laga e pueblonan alabá bo;

laga tur pueblo alabá bo.

 4 Laga e nashonnan ta kontentu i grita di alegria,

pasobra abo lo husga nan na un manera hustu.

 5 O Dios, laga e pueblonan alabá bo;

laga tur pueblo alabá bo.

 6 Tera lo duna su kosecha;

Dios, nos Dios, lo bendishoná nos.

 7 Dios lo bendishoná nos,

i na tur parti di tera, hende lo tin rèspèt profundo p’e.*