Salmo
Kantika pa Hende Ku Ta Subi Bai Stat.*
123 Mi ta hisa kara wak den bo direkshon,
sí, abo ku ta sintá riba bo trono den shelu.
2 Manera un sirbidó ta fiha su bista riba su shon
i un kriá ta fiha su bista riba su señora,
asina nos ta fiha nos bista riba bo, Yehova, nos Dios,
wardando pa bo tene miserikòrdia di nos.
3 Tene miserikòrdia di nos, o Yehova, tene miserikòrdia di nos,
pasobra nos ta kansá di asina tantu menospresio.
4 Nos ta kansá di* bofon di hende orguyoso ku ta konfia den nan mes
i di menospresio di hende arogante.