Salmo

Boso, ku ta sirbidó di Yehova, alab’é;

alabá Yehova su nòmber.

 2 Laga Yehova su nòmber sea alabá

for di awor i pa semper.

 3 Laga Yehova su nòmber sea alabá

for di ora solo sali te ora solo baha.*

 4 Yehova ta elevá riba tur nashon.

E ta mas glorioso ku shelu.

 5 Ken ta manera Yehova, nos Dios,

kende ta biba* den e shelunan di mas haltu?

 6 Humildemente e ta sak abou pa wak e kosnan den shelu i riba tera.

 7 E ta lanta hende insignifikante for di suela.*

E ta saka hende pober for di miseria*

 8 pa laga nan sinta huntu ku hende prominente,

sí, huntu ku hende prominente di Dios su pueblo.

 9 Dios ta duna un muhé ku ta steril un hogar,

i e ta hasié un mama felis meimei di su yunan.*