Aprecio Pa Literatura Biblico Na Hungria

Un maestra di scol na Balmazújváros a skirbi e oficina di sucursal di Watch Tower na Hungria: “Mi a mira un buki cu a hala mi atencion. Si ta posibel, hací mi e fabor di manda un copia pa mi. E título dje buki ta Mi buki di relato bíblico.” Despues di a conocé e buki, e cabes di un scol na Budapest a pidi: “Nos kier pidi 20 copia dje buki Mi buki di relato bíblico pa Scol Básico Num. 6.”

Un persona di Balatonboglár cu a lesa e buki Loke hovenan sa puntra—Contesta práctica a skirbi: “E buki ta stimulá pensamentu, i e contestanan basá riba e Bijbel duná den dje ta corecto. E buki a yudá mi mashá hopi, i mi a haña contesta pa preguntanan cu mi tabatin. Lo mi tin gana di fortalecé mi fe asta mas. P’esei, si ta posibel, hací mi e fabor di manda publicacionnan tocante e Bijbel pa mi.”

Testigonan di Jehova ta gusta duna yudansa na hende cu kier aumentá nan conocimentu bíblico. Si bo kier ricibí un copia di un dje bukinan mencioná anteriormente of si bo kier pa un hende bishitá bo na cas pa considerá e Bijbel cu bo, haci fabor di skirbi Watchtower, P. O. Box 4708, Curaçao, N.A., of na un direccion cumbiniente den e lista na página 5.