“Mi Mester di Animacion i Speransa”

Abo sa sinti asina? Awe hopi hende ta sinti asina. Un señora di Fort Smith, Arkansas, a skirbi e sede mundial di Testigonan di Jehova na Brooklyn, New York, i a splica:

“Boso buki Conocimentu cu Ta Hiba na Bida Eterno ta hopi informativo i inspirador. Mi a les’é di kaft pa kaft den djis un par di dia. E ta duná mi speransa cu pronto e mundu nobo primintí bou dje gobernacion di Jesucristo lo t’ei. Mi ta anhelá pa e dia ei.

“Te cu e dia ei, mi tin cu sobrebibí den e mundu aki, wardando pa esei sosodé. E bida mundano i laf aki den cua nada ta sosodé ta desanimá mi hopi. Mi mester di animacion i speransa. Boso a bisa cu mediante boso organisacion nos por haña un studio di Bijbel grátis si nos ta interesá. Por fabor, boso por lagá mi sa kico mi mester haci pa obtené esaki? Mi ta kere cu e studio di Bijbel aki lo yuda animá mi.”

Si bo ta deseá di ricibí un copia dje buki Conocimentu cu Ta Hiba na Bida Eterno of lo kier pa un hende conducí un studio di Bijbel na cas cu bo, por fabor, skirbi Watchtower, P.O. Box 4708, Curaçao, N.A., of n’e adres di página 5 mas cerca di bo.