Un Yudansa pa Siña Hende Con pa Biba

Un maestro di scol na Zimbabwe, Africa, a ripará cu n’e Colegio Nyatsime, caminda e ta duna les, e vak “Educacion Con pa Biba” ta ser duná. El a describí e problemanan di famia cu e tabatin i a reconocé cu e tabatin mester di yudansa pa solucioná nan.

Splicando loke a sosodé despues di su mes matrimonio, el a bisa: “Problemanan a cuminsá casi unbes i a pone cu nos a dicidí pa separá na November 1989.” Tabatin otro problemanan tambe. El a skirbi: “Ami ta e yu homber mayó di mi mama, kende tabata e promé esposa di mi tata. Ora mi tabata den mi di dos aña di lerarenopleiding, mi tata a muri, i a laga 16 ruman mas chikitu pa mi cria.”

Un studio di Bijbel cu Testigonan di Jehova a yuda e maestro di scol aki resolvé su problemanan di famia. E i su casá ta huntu atrobe i felis. El a skirbi: “Ami cu mi esposa a siña for di nos experencia doloroso cu hende su esfuerso pa solucioná su problemanan independientemente for di Dios ta en bano.” Pero, ke hubo di yuda su alumnonan cu nan problemanan?

“Mi a recomendá e buki Loke hovenan sa puntra—Contesta práctica na nos cabes di scol i otro maestronan como un bon buki di instruccion,” el a skirbi. “Nan tur a bai di acuerdo, anto e scol a encargá mi 56 buki, cu ya mi a entregá caba n’e scol.”

Nos ta kere cu abo tambe lo beneficiá masha tantu for di e buki educativo aki di 320 página, yen di plachi atractivo. Si bo ta deseá di ricibí un copia di dje of lo deseá di haña un studio di Bijbel grátis na cas, por fabor, skirbi Watchtower, P.O. Box 4708, Curaçao, N.A., of n’e adres mas cumbiniente na página 5.