El A Vence Su Skepticismo

Ora Testigonan di Jehova a topa cu un yoncuman riba e isla caribeño Jamaica, e tabata masha sképtico tocante e existencia di Dios i a bisa cu e no ta kere cu Bijbel ta inspirá. Tog el a aceptá, aunke sin masha gana, un ehemplar dje buki E Bijbel—e Palabra di Dios of e palabra di hende? E Testigonan a sigui rebishit’é, pero finalmente el a pidi nan pa no bini bek te ora e mes invitá nan.

E Testigonan a conta: “Lunanan despues, el a yama i a haci hopi pregunta. Pero ainda e tabatin crítica riba e contestanan for di Bijbel.”

Cu tempu nan a laga un ehemplar dje buki Conocimentu cu Ta Hiba na Bida Eterno cerca e yoncuman i a cuminsá un studio regular di Bijbel cuné. Poco despues el a comentá: “Awor mi ta comprendé di con un studio asina ta necesario.” E tabata asina entusiasmá tocante loke e tabata siñando, cu el a pidi pa studia dos bes pa siman. No a dura mashá cu el a cuminsá asistí regularmente na reunionnan cristian.

Miyones di hende a fortalecé nan fe dor di lesa E Bijbel—e Palabra di Dios of e palabra di hende? i studia Conocimentu cu Ta Hiba na Bida Eterno. Si bo ta deseá di haña un ehemplar dje bukinan aki of lo kier pa un hende conducí un studio di Bijbel na cas cu bo, por fabor, skirbi P.O. Box 4708, Willemstad, Curaçao, of n’e adres mas cumbiniente na página 5.

[Plachi Rekonosementu na página 32]

Kaft dje buki E Bijbel—e Palabra di Dios of e palabra di hende?: Papiro di siglo tres i rol hebreo di Ester: The Trustees of the Chester Beatty Library, Dublin; busto di Alexander de Grote: Musei Capitolini, Roma