Un Feria Religioso

Dje coresponsal di Spierta! na Italia

NA FEBRUARI 1995 informenan a cuminsá circulá relacioná cu loke hende a pensa cu tabata un milager di tempu moderno: Supuestamente hende a mira un imágen di La Bírgen na Civitavecchia yora lágrimanan di sanger. Desde e tempu ei, católiconan for di tur parti di mundu a haci perigrinacion pa mira e imágen pa nan mes.

Sin embargo, segun e korant La Repubblica, hopi católico ta iritá pa e “ambiente di feria” cu ta rondoná e lugá turístico. Asta algun teólogo ta sinti nan incómodo cu e masanan cu ta aglomerá pa venerá e imágen. Por ehempel, Luigi Pizzolato, un maestro n’e Universidad Católico di Milan, ta criticá e iglesia pa ta contentu cu un fe “lantá emocionalmente.” E ta remarcá cu e fruta cu e supuesto milager a producí ta ser “dañá dor di supersticion.” Un otro teólogo, Carlo Molari, ta recordá nos cu “den e Testament Nobo, un cierto Simon Mago ta usa podernan extraordinario pa logra su mes propósito—esun di saca cen, manera nos lo a bisa awendia.”—Echonan 8:9-24.

Jesus a spierta su disipelnan pa tene cuidou cu esnan cu lo efectuá “señalnan i milagernan grandi.” (Mateo 24:3, 24) Asta ora señalnan asina ta parce auténtico, e fe di un cristian no por ta basá riba supuesto milagernan. (Hebreonan 11:1, 6) Mas bien, e por adkerí un fe sólido dor di gana conocimentu exacto dje Palabra di Dios i aplicá su conseho. (Juan 17:3; Romanonan 10:10, 17; 2 Timoteo 3:16) Lo bo kier tin e clase di fe ei? Pakico no laga Testigonan di Jehova yudá bo e siguiente biaha cu nan bishitá bo?

[Plachi Rekonosementu na página 31]

AGF/La Verde