For Di Nos Lectornan

Libertad Religioso Ya ta vários década cu mi ta un lector di Spierta!, i mi ta skirbi boso pa expresá mi aprecio p’e seri “Bo Libertad Religioso Ta na Peliger?” (8 di januari 1999) Mi tabata sa cu na Europa a existí intolerancia religioso durante e asina yamá Epoca di Scuridad i cu e Iglesia Católico a logra manipulá e autoridadnan pa stroba hende di ehercé nan libertad di concenshi i di religion. Awor cu mi a haña sa loke ta tuma lugá na Francia awe, mi ta puntra mi mes: ‘Di con e pais aki ta mancha su nomber dor di nenga di garantisá libertad religioso?’ Por fabor, informá boso miyones di lectornan dje desenlace dje situacion aki. Mi tin sigur cu Francia lo mustra tolerancia i pone un bon ehempel pa otro paisnan.

C. C., Puerto Rico

Spiritu Santu Mi kier gradicí boso pa e excelente artículo “E Punto di Bista Bíblico: Kico e Spiritu Santu di Dios Ta?” (8 di januari 1999) Maske mi ta un Testigo di Jehova pa vários aña, semper mi kier siña mas tocante Jehova Dios. E artículo aki a contestá e pregunta dje título hopi bon i tabata fácil pa comprendé. Mas mi comprendé Jehova i su obranan, mas mi ta yena cu amor p’e.

Y. B., Rusia

Oro Mi a lesa boso artículo “Oro i Su Mística.” (8 di october 1998) Boso a bisa cu e trupanan aliá a descubrí un cantidad grandi di oro den e minanan di salu na Kaiseroda, Alemania, despues cu Alemania a capitulá na 1945. Eigenlijk, e aliadonan a capturá e mina tres siman promé cu e guera a terminá.

J. S., Alemania

Danki pa e clarificacion aki. En berdad nan a capturá e minanan di Kaiseroda dia 4 di april 1945, mas cu un luna promé cu e capitulacion aleman dia 8 di mei 1945.—RED.

Namoracion Bibando Leu for di Otro E artículo “Hóbennan Sa Puntra . . . Con Nos Por Hiba un Namoracion Bibando Leu for di Otro?” (8 di februari 1999) a yega muchu lat pa mi. Mi ta di Merca i mi a cuminsá corespondé cu un mucha homber di Latinoamérica. Nunca den mi bida mi no a pasa dor di algu asina difícil. Egt bo no por siña conocé un hende via carta, maske bo haci bo best pa ta onrado. Como cu boso dos ta asina leu for di otro, bo tin tendencia di fantaseer. Den nos caso, nos culturanan tabata contrali di otro. Ora finalmente nos relacion a terminá, mi a sinti cu bida no tabatin nada mas aden pa mi. Danki na e amor i apoyo di mi famia, mi a logra sobrebibí e experencia aki.

S. H., Merca

Mi ta skirbi un mucha muher cu mi a topa na un congreso internacional di Testigonan di Jehova. Ta difícil pa splica un otro persona bo pensamentunan ora tin diferencia di cultura i di idioma enbolbí. P’esei mi a cuminsá siña su idioma. E sugerencia pa usa un caset recorder tabata hopi bon. Masha danki.

A. S., Alemania