Bo Ta Invitá—Lo Bo T’ei?

INVITÁ PA KIKO? Pa e reunion di mas importante ku Testigunan di Yehova ta tene tur aña: e konmemorashon dje morto di Kristu, basá riba e Sena di Señor ku el a instituí. E relato di Mateo ta konta nos: “Hesus a kohe pan, i despues di a bendishon’é, el a kibr’é i a duna su disipelnan i a bisa: ‘Tuma, kome; esaki ta mi kurpa.’ I despues ku el a kohe un kopa i a duna gradisimentu, el a duna nan esei, bisando: ‘Boso tur bebe for di dje; pasobra esaki ta mi sanger di e aliansa, ku ta wòrdu dramá pa hopi pa pordon di piká.’”​—⁠Mateo 26:​26-28.

Durante e selebrashon dje Sena di Señor e oradó lo splika e nifikashon dje palabranan ei. E aña aki e ta kai riba djaweps dia 28 di mart, despues ku solo baha. Nos ta spera ku lo bo t’ei. Sea asina bon di puntra Testigunan di Yehova e ora i lugá eksakto kaminda e reunion lo tuma lugá den bo bisindario. Bo ta mas ku bon biní.