Hende Tabatin Bista Riba Nan

DOS tiner a drenta un restorant pa nan desayuná den un pueblo chikitu di Ohio, Merka. Manera ta nan kustumber, nan a baha nan kabes pa hasi orashon den silensio promé ku nan a kome.

Despues, un señora ku a sinta mira nan a bini na nan mesa i a tuma nan resibu p’e pagu’é. El a bisa nan: “Ta un smak pa mira boso tuma tempu pa gradisí Dios pa boso kuminda, den un mundu kaminda nos ta tende asina tantu kos malu tokante hóbennan. Lo mi tin gana di paga boso desayuno.”

E hóbennan a keda babuká, pero nan a dominá nan sorpresa i a gradisí e señora. Despues nan a rasoná ku nan no por a laga e señora pensa ku ta na kualkier Dios nan a hasi orashon. Pues, un di nan a bai serka e señora, i despues di bolbe gradisié el a bis’é ku nan ta Testigu di Yehova.

Testigunan di Yehova tin e kustumber di studia Beibel ku nan famia. Esei ta loke e mayornan dje dos hóbennan aki a hasi. Un dje publikashonnan ku e dos famianan a studia ta Conocimentu cu Ta Hiba na Bida Eterno. Un dje 19 kapítulonan dje buki aki ta titulá “Kon Bo Por Hala Serka di Dios.”

Bo por manda pidi un ehemplar dje buki aki pa studia Beibel di 192 página dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 dje revista aki.

□ Manda pa mi un buki Conocimentu cu Ta Hiba na Bida Eterno.

□ Por fabor, tuma kontakto ku mi pa un studio di Beibel grátis na kas.