Kaft Patras

FAMIA ta e institucion humano mas bieu cu nos conocé, pero awe e ta den problema. E aumento alarmante di uso di droga i inmoralidad entre tienernan, e plaga moderno di divorcio i violencia den famia, e crecementu rápido dje cantidad di famianan di un solo mayor, i otro problemanan serio ta pone algun hende puntra nan mes si bida di famia lo sobrebibí.

Ta posibel ainda pa un famia ta un ambiente stabil, cu ta duna su miembronan cuido, proteccion i estímulo? Sí, esei ta posibel, basta miembronan di famia conocé e berdadero secreto pa felicidad den famia. E secreto aki no ta scondí. El a ser poné na práctica i a proba di ta exitoso atrabes di hopi, hopi siglo. Kico e ta? E buki aki, E Secreto pa Felicidad den Famia, ta duna e contesta. Tambe e ta duna ehempelnan práctico con e “secreto” aki por yuda solucioná un cantidad di situacion di famia cu ta difícil pa trata cuné. Tin un hende awe cu no tin mester di informacion asina?