Abo Lo Hasi e Boluntat di Yehova?

Nos ta gradisí bo pa e tempu ku bo a tuma pa lesa e foyeto akí pa siña konosé nos komo Testigunan di Yehova, haña sa mas di nos aktividatnan i mira kon nos organisashon ta funshoná. Nos ta spera ku el a yuda bo komprondé ku ta nos ta esnan ku ta hasi e boluntat di Yehova awe. Nos ta animá bo pa bo sigui siña konosé Dios, papia ku bo famia i amigunan tokante e kosnan ku bo ta siña i asistí regularmente na nos reunionnan huntu ku nos.—Hebreonan 10:23-25.

Lo bo ripará ku mas bo siña tokante Yehova, mas bo ta mira kuantu e stima bo. Anto esaki lo motivá bo pa bo hasi tur loke bo por pa demostrá Yehova ku bo tambe stim’é. (1 Huan 4:8-10, 19) Pero kon bo por demostrá bo amor pa Dios den e manera ku bo ta hiba bo bida? Pakiko ta bon pa bo obedesé su normanan moral? I kiko lo duna bo e deseo di hasi e boluntat di Dios huntu ku nos? E Testigu ku ta duna bo estudio di Beibel lo ta kontentu pa yuda bo haña e kontestanan pa asina abo i bo famia por “keda den e amor di Dios . . . ku bida eterno na bista.”—Hudas 21.

Di kurason nos ta animá bo pa bo sigui progresá den e kaminda di e bèrdat, studiando e buki akí . . .