Kerido Mayor

Kiko ta e mihó regalo ku boso por duna boso yu? E tin mester di hopi kos, por ehèmpel, boso amor, guia i protekshon. Pero e regalo di mas presioso ku boso por dun’é ta konosementu di Yehova i di e bèrdatnan ku nos por haña den su Palabra, Beibel. (Huan 17:3) E konosementu ei por yuda boso yu, asta for di hopi chikitu, stima Yehova i sirbié di henter su kurason.​—Mateo 21:16.

Hopi mayor ta haña ku mucha chikitu ta presta mas atenshon ora nan no tin ku tuma muchu tempu pa siña òf hasi algu. P’esei, nos ta masha kontentu ku nos por publiká e foyeto akí: Mi Promé Lèsnan di Beibel. Nos a prepará kada lès di tal manera ku boso por siña boso yu na un manera simpel. E plachinan i loke tin skirbí ta spesialmente pa mucha te ku tres aña. Na final di kada lès tin algun sugerensia pa boso ku ta mayor. E foyeto akí, Mi Promé Lèsnan di Beibel, no ta pa laga mucha hunga kuné. Meta di e foyeto ta pa boso les’é huntu ku boso yunan; hasiendo esaki, boso por tin bon komunikashon ku otro.

Nos tin sigur ku e foyeto akí lo yuda boso siña boso yunan e bèrdat di Beibel “for di chikitu.”​—2 Timoteo 3:​14, 15.

Boso rumannan,

Kuerpo Gobernante di Testigunan di Yehova

[Plachi na página 3]