Konklushon

Bo sa sinta pensa riba e dushi tempu ku bo a pasa ku e pueblo di Yehova? Kisas bo ta kòrda un reunion di kongregashon animante, un asamblea inolvidabel, un dushi eksperensia den sirbishi di vèlt òf djis un kòmbersashon plasentero ku bo tabatin ku un ruman? Esaki ta indiká ku bo no a lubidá Yehova. Wèl, e tampoko no a lubidá bo, i ku kariño e ta kòrda bo sirbishi fiel. P’esei e ta ansioso pa yuda bo bolbe serka dje.

Yehova a bisa: “Mi mes lo bai buska mi karnénan i sòru pa nan. Meskos ku un bon wardadó ta preokupá pa su karnénan ora e bestianan ta plamá den diferente direkshon, asina preokupá Ami ta pa mi karnénan. Awor ku nan a plama den diferente direkshon, lo Mi bai buska nan bèk, unda ku nan por a resultá.”—Ezekiel 34:11, 12, BPK.