Nos Motibunan di Goso

1. Motibu nos tin na⁀abundansia

p’e goso den nos kurason.

N’e seru dje kas di Yehova

tur pueblo ta bini awó.

Nos set nos ta sasia tur dia

ku awa di Dios su bèrdat,

sintiendo profundo⁀alegria,

segun ku nos fe ta⁀oumentá.

Den profundidat di nos alma

nos goso ta iluminá.

Tur sombra di miedu⁀i tristesa

Yehova ta eliminá.

2. Su obranan tin nos asombro:

Su tera, su shelu⁀i laman

ta fruta dje mente divino,

produkto nan ta di su man.

Nos ta predikando ku goso

di Kristu, nos Rei koroná.

Tur gran bendishon di su Reino,

ku zelo nos ta proklamá.

Meskos ku splendor di mainta

ta kore ku tur skuridat,

e goso ku tin na kaminda

lo kaba ku tur ansiedat.