KANTIKA 119
E Fe Ku Nos Mester Tin
Edishon Imprimí
1. Profeta leal di antigwedat
a papia na nòmber di Dios.
Awor, su mensahe pa⁀arepentí,
su yu mes ta duna nos.
(REFREIN)
Demostrá Yehova bo fe.
Laga obra mes apoy’é.
I kuid’é p’e no noufragá.
Ku⁀un fe asina nos lo ser salbá.
2. Ku zelo⁀i amor nos ta prediká,
manera Hesus a⁀indiká,
pa tur haña sa di⁀e Reino di Dios
i⁀e gran futuro sperá.
(REFREIN)
Demostrá Yehova bo fe.
Laga obra mes apoy’é.
I kuid’é p’e no noufragá.
Ku⁀un fe asina nos lo ser salbá.
3. Nos fe ta un anker firme⁀i sigur,
i nos no ta desanimá.
Opstákulo tin; nos por vense tur.
Ku Dios nos no ta⁀entregá.
(REFREIN)
Demostrá Yehova bo fe.
Laga obra mes apoy’é.
I kuid’é p’e no noufragá.
Ku⁀un fe asina nos lo ser salbá.
(Wak tambe Rom. 10:10; Efe. 3:12; Heb. 11:6; 1 Huan 5:4.)