“Felis Ta Esnan Miserikòrdioso!”

1. Nos miserikòrdioso Dios

ku tierno⁀amor ta trata nos,

kuidando nos ku su bondat,

yenando nos nesesidat.

I tur esnan arepentí,

nan ruegonan ta ser tendí.

Yehova sa ku stòf nos ta,

i komprenshon ta demostrá.

2. Si nos spiritu ta⁀angustiá

debí n’e peso di piká,

Yehova Dios tin kompashon,

plaser i goso den pordon,

kontal ku nos mes pordoná

manera Kristu⁀a indiká.

Renkor nos tin ku bandoná

pa pas mental por regresá.

3. I nos awor ke kultivá

sinsero generosidat,

hasiendo bon sin anhelá

elogio p’e bondat mustrá.

Yehova mes lo ripará.

Ku bida⁀e ta rekompensá!

Felis t’esnan ku praktiká

miserikòrdia⁀i pordoná.