Ciencia Por Desmenti Milagro?

Milagro di Bijbel realmente a sosode? Tin hopi hende, incluyendo varios homber científico i lider religioso, cu ta contestá cu No. Nan ta pensa cu kerimento den milagro ta pertenece na un época mas supersticioso i cu ciencia moderna a desmenti caba e posibilidad cu milagro a sosode. P’sei, e sigiente carta publicá den The Times di Londres i cu varios científico a firma ta merece nos atencion. E ta bisa:

“No ta lógicamente válido pa usa ciencia como un argumento contra milagro. Pa hende kere cu milagro no por sosode ta tanto un acto di fe como e kerimento di cu nan sí por sosode. . . . Milagro ta sosodimento cu nunca a sosode na antes. Apesar di loke ta popular den filosofía of di loke revelacion di encuesta por sugeri, ta importante pa afirma cu ciencia (fundá manera e tá ariba observacion di loke sí a sosode) no por bisa nada tocante e asunto. ‘Ley’ di ciencia ta solamente un expresion general di nos experencia. Fe ta fundá ariba otro fundeshi.” (Nos letter cursivo.) Realmente, no tin un manera pa ciencia moderna desmenti e relato di milagro cu ta pará skirbí den e Bijbel.