“Esposa di Bo Hubentud”

ADULTERIO casi ta parce un sosodimento diario,” segun hopi experto mencioná den Los Angeles Times. E declaracion ei ta sorprendébo? Sin embargo, sikiater Frank Pittman ta calcula cu rond di 50 porciento di esposo i entre 30 te 40 porciento di esposa ta bira infiel. Si esei ta cierto, casi mitá di tur hende casá ta comete adulterio!

Esei kier men cu inmoralidad ta bon? Di ningun manera! E aumento di infieldad no ta hacié bon​—no mas cu e aumento di crimen di caya ta haci atraco bon. Inmoralidad ta haci daño. Por ehempel, humanidad djawe ta afligí cu un pandémico di maleza peligroso contagiá sexualmente tur locual por ta controlá fácilmente si hende ta hiba un bida moral. AIDS, e maleza fatal nunca por a haci tanto progreso si hende no ta hiba un bida sexual tanto inmoral.

Además, asta hende di mas sofisticá i “iluminá” ta sinti un dolor inmenso ora nan casá ta infiel. Un solo acto di infidelidad por causa herida cu no ta cura durante nan bida.

Sin embargo, e punto di mas importante ta cu violacion lihé i inmoral di boto matrimonial ta falta grosero di respet pa Dios, siendo cu e ta Autor di matrimonio. E Bijbel ta bisa: “Laga matrimonio ser onorabel den tur.” Nos ta ser duná e sigiente advertencia també: “Dios lo huzga fornicador i adúltero.”​—Hebreo 13:⁠4.

P’sei, hende sabí ta obedece e palabra inspirá: “Alegrá cu esposa di bo hubentud.” (Proverbio 5:18) Nan ta busca contentamento i felicidad cu nan casá. Den e hacimento di esei, nan ta proteha nan salud fisical i emocional, i mas importante, nan ta duna onor ne gran Autor di matrimonio, Jehova Dios.