Pakico e Malbadonan Ta Prosperá?
“PAKICO e malbadonan mes ta sigui biba?” E pregunta aki a ser hací hopi tempu pasá dor di fiel Job, i el a ser ripití hopi biaha desde su dia. Probablemente e ta den mente di hopi hende di ex-Yugoslavia (manera e señora cu ta ser mustrá riba nos kaft) cu ta pena pa esnan cu ta sufri den un guera trágico. Pakico mal hende ta sobrebibí i asta prosperá? Manera Job a bisa, hopi biaha “nan cas ta pas mes, liber di temor, i e bara di Dios no ta riba nan.”—Job 21:7, 9.
Esaki ta nificá cu no tin balor den sirbi Dios, stima bo próhimo i abstené bo for di haci loke ta malu? Di ningun manera! Bijbel ta duna nos e punto di
bista corecto ora e ta bisa: “No forsa pa surpasá e malechornan ni imitá esnan cu ta haci malu. Pasobra manera yerba nan ta marchitá pronto, i ta desvanecé manera yerba berde di primavera. Confia den SEÑOR i haci bon.”—Salmo 37:1-3,
The New English Bible.
Sí, e aparente prosperidad dje malbadonan ta solamente temporario. En realidad, nan bida ta masha corticu, miéntras esnan cu ta sirbi Dios tin un glorioso speransa pa futuro. Pronto, e promesa di Dios lo ser cumplí: “[Dios] lo seca tur lágrima di nan wowo, i morto lo no existí mas, tampoco lamento ni sclamacion ni dolor lo no existí mas. E cosnan anterior a pasa forbij.” (Revelacion 21:4) Solamente e hustunan, no e malbadonan, lo mira e tempu ei. Ta ki un animacion pa hala cerca Dios i siña haci su boluntad, maske con malbado esnan rond di nos por ta!
Si bo ta deseá mas informacion of bo kier pa un hende bishitá bo pa conducí un studio di Bijbel grátis cu bo na cas, por fabor, skirbi Watchtower, P.O. Box 4708, Curaçao, N.A., of n’e adres apropiado mencioná na página 2.