Casá Anto tog Bírgen?

DEN un intento pa haci e supuesto birginidad perpetuo di Maria cuadra cu su matrimonio cu José, hopi pintor i escultor a pinta José como un homber cu tabata di edad avansá. Nan a razoná cu eigenlijk José tabata mas manera un guardian pa Maria cu un esposo. Pero recientemente Papa Juan Pablo II a boga pa un punto di bista diferente dje asuntu. E ta indicá cu José “no tabata un homber di edad avansá e tempu ei.” Mas bien, “su perfeccion interior, e fruta di gracia, a hib’é na biba su relacion di esposo cu Maria basá riba un cariño sin relacion sexual.”

Si Maria kier a keda bírgen pa semper, pakico el a comprometé? Papa ta contestá: “Nos por suponé cu ora nan a cera nan compromiso tabatin un acuerdo mutuo entre José i Maria tocante e plan pa biba como bírgen.”

Sin embargo, Bijbel ta presentá e asuntu di un manera diferente. E relato di Mateo ta bisa cu José “no tabatin relacion cuné te ora el a duna lus na un yu homber.” (Mateo 1:25, New American Bible católico, letter cursivo ta di nos.) Despues cu Jesus a nace, e union matrimonial di José i Maria sigur no a falta e relacion sexual. Un prueba di esaki ta cu mas despues e relato di Evangelio ta mustra cu Jesus tabatin ruman homber i muher.—Mateo 13:55, 56.

Pues, aunke Bijbel ta declará cu Maria tabata bírgen ora el a duna lus na Jesus, no tin base pa pretendé cu el a biba como bírgen cu José p’e resto di su bida.