Pakico No Reuní cu Nan?

NDJAUKUA ULIMBA tin 73 aña di edad, i aña pasá el a haci un biahe di rond di 450 kilometer. El a cana henter e distancia, i esei a tum’é 16 dia.

E cabayero di edad aki a haci su biahe largu p’e por a asistí na un dje congresonan anual di Testigonan di Jehova. Despues dje congreso, yen di goso i spiritualmente fortalecí, el a cana bai cas bek—un otro 16 dia mas. Tabata bale la pena? Sigur cu sí! Ndjaukua Ulimba ta haciendo e biahe anual aki pa algun aña caba.

E homber africano aki tabata un dje mas cu 15 miyon hendenan for di mas cu 230 pais cu a asistí na congresonan di Testigonan di Jehova aña pasá. Naturalmente, mayoria no tabatin cu cana dianan largu pa yega n’e sitio di congreso. E mayoria a yega cu auto, bus, trein of avion. Abo tabata un di nan?

Na 1998, atrobe lo tin congresonan rond mundu, mayoria durante lunanan di zomer (of durante e periodo di secura). Si su salú permití, probablemente Ndjaukua Ulimba lo haci e mésun caminata largu p’e por asistí. E i miyones di otronan lo tende un programa práctico, fortalecedor di fe i stimulante. Pa tur esnan cu ta asistí, e congreso lo ta un punto sobresaliente dje aña. Abo tambe ta cordialmente invitá pa asistí. Testigonan di Jehova den bo localidad lo ta contentu pa informá bo cua ta e sitio dje congreso mas cerca bo.