E Nomber di Dios A Ser Restorá

“DESPUES cu pa hopi aña i kisas pa siglonan a omití e nomber Jehova for di Bijbel, su testigonan djawe ta e único religion cristian cu ta tuma un posicion firme i restorá e tetragramaton.”a

E palabranan citá ariba ta sacá for dje buki Jeová dentro do judaísmo e do cristianismo (Jehova den Hudaismo i Cristianismo), dje escritor brazileño, Assis Brasil. Pero kisas por lanta e pregunta: Aunke algun traduccion di Bijbel ta usa e nomber divino den un of otro forma, di con otro religionnan a omitié for di nan Bijbel? Segun Brasil: “Nan a kita e nomber di Dios debí na sea supersticion . . . , motibunan scondí of debí na un deseo pa halsa nomber di Jesus i su mama, Maria.”

Sin embargo, manera Sr. Brasil ta señalá corectamente: “E Traducción del Nuevo Mundo de las Santas Escrituras n’e idioma portugues a corigí e omision dje nomber [divino] completamente.” Con asina? Den e sentido cu den e Bijbel ei, e nomber Jehova a ser restorá na su debido lugá. Den e Traducción del Nuevo Mundo e nomber Jehova ta aparecé mas cu 7.200 biaha.

Desde su promé edicion, a distribuí hopi mas cu seis miyon i mei copia dje traduccion moderno i literal aki na portugues. Esaki a impulsá un reportero pa puntra den e korant brazileño, Diário do Nordeste (Diario di Nortoost): “Bo tabata sa cu Dios tin un nomber?” Danki n’e traduccion moderno di Bijbel aki, miyones di hende por contestá awor: “Sí. E nomber di Dios ta Jehova.”

[Nota]