Un Aña Excelente pa Distribucion di Bijbel

AWE mas hende cu nunca tin un Bijbel. Esei ta loke un informe di Sociedadnan Uní di Bijbel ta indicá, pasobra na 1998, distribucion di Bijbel a aumentá cu mas cu mei miyon compará cu e aña anterior. Na tur, mas cu 585.000.000 Bijbel—completo of en parti—a ser distribuí rond mundu. E informe ta bisa: “Esaki ta un animacion. Awendia, nos ta alcansá mas hende cu e Palabra di Dios.”

Naturalmente, tin un diferencia entre poseé un Bijbel i les’é. Por ehempel, un encuesta a revelá cu mas di 90 porciento di mericano tin por lo ménos un Bijbel, i un cantidad igual ta kere cu Bijbel ta un bon fuente di siñansa moral. Sin embargo, solamente 59 porciento a bisa cu nan ta acudí na Bijbel pa conseho. I 29 porciento a admití cu nan “no ta mashá” of “niun tiki” familiarisá cu Bijbel.

Testigonan di Jehova no solamente ta druk i distribuí Bijbel, sino tambe ta conducí studio di Bijbel na cas cu hende den mas cu 230 pais. Actualmente, rond mundu tin miyones di hende ta beneficiá dje programa di educacion bíblico aki. Nan ta haña yudansa pa trata cu problema cu nan ta enfrentá awor, i nan ta siña loke Bijbel ta bisa tocante un futuro briyante bou dje Reino di Dios.—Isaías 48:17, 18; Mateo 6:9, 10.

[Plachinan na página 32]

Studio di Bijbel na cas na (di robes ariba bai rond) Bolivia, Ghana, Sri Lanka i Inglatera