E Cos di New York City Cu E Ta Sinti Falta di Dje

FOR di añanan ’50, e palabranan cu bo ta mira aki ta resaltá riba un dje edificionan di fábrica di Sociedad Watchtower na Brooklyn, New York. E ta recordá hende cu ta riba caminda pa trabou, turista i otronan cu pasa eibanda pa lesa Bijbel tur dia. E siguiente carta cu nos a ricibí for di un mucha muher Testigo ta mustra ki eficas e recordatorio aki ta.

“Mi tabata combersá cu un compañera di klas tocante kico mi kier a bai haci despues cu mi caba scol secundario. Mi a cuminsá papia di Betel, e sede di Testigonan di Jehova, i el a bira masha excitá. El a conta mi cu henter su bida el a biba na New York City. Su famia no tabata masha religioso, pero tur mainta ora e wak for di bentana, e tabata mira e palabranan riba muraya cu ta bisa: ‘Lesa e Palabra di Dios e Bijbel Santu Diariamente.’ P’esei, e tabata lesa su Bijbel tur dia promé cu e bai scol.

El a bisa cu despues di a muda for dje stad, e cos di New York City cu e ta sinti falta di dje ta cu ora e lanta mainta e no ta mira e recordatorio mas p’e lesa su Bijbel. Pero debí n’e palabranan riba e edificio di Watchtower, lesa Bijbel a bira un custumber, pues, e ta sigui lesa su Bijbel tur dia!”

No por tin un mihó manera pa cuminsá dia, cu lesa un porcion dje Palabra di Dios! Dor di hacié lo bo bin apreciá sin duda e palabranan di apostel Pablo: “E scrituranan santu . . . por haci bo sabí pa salbacion mediante e fe en relacion cu Cristo Jesus.”—2 Timoteo 3:15-17.