Keda Leal na Jehova

AUNKE lealtad ta un cualidad raro awe, e ta un característica di sirbidónan dje Dios berdadero, Jehova. E persona leal ta keda firme bou di prueba, i sin tambaleá aunke tempu pasa. Considerá e bon rey Ezekías. Bijbel ta bisa cu: “Despues di dje a resultá cu no tabatin ningun manera e entre tur e reynan di Huda, ni sikiera entre esnan cu tabata promé cuné.” Kico a haci Ezekías único? El “a sigui pega na Jehova,” aunke e tabata rondoná pa adoradónan dje dios falsu Molec. Sí, Ezekías “no a desviá di sigui [Jehova], ma el a sigui warda su mandamentunan.”—2 Reynan 18:1-6.

Apostel Pablo tabata un otro persona cu a keda leal na Jehova. E registro di su ministerio den e Scritura Griego Cristian ta duna un testimonio poderoso di Pablo su constancia den rindi sirbishi di henter alma na Dios. Ora Pablo tabata yegando na fin di su bida terenal, e por a bisa tocante su mes: “Mi a lucha e lucha excelente, mi a core e careda te na fin, mi a observá e fe.”—2 Timoteo 4:7.

Ki excelente ehempelnan di lealtad Ezekías i Pablo ta pa nos! Laga nos imitá nan fe dor di keda leal na nos Magnífico Dios, Jehova.—Hebreonan 13:7.