“Un Ehempel di Unidad”

ESEI tabata título di un editorial publicá den un korant na Indaiatuba, São Paulo, Brazil. Ken a pone e ehempel? E escritor a splica: “Testigonan di Jehova, kendenan ta planea pa traha un ‘Salon di Reino’ nobo, manera nan ta yama nan tempel of auditorio, ta dunando un ehempel positivo i concreto di cooperacion cu no por ser ignorá.”

Na ocasionnan asina, e unidad cu ta existí entre Testigonan di Jehova ta bisto. P’esei, e artículo a indicá: “Ta emocionante pa mira boluntarionan homber, muher i tiener traha huntu di buena gana pa construí un lugá caminda nan por reuní huntu i adorá Dios.”

Testigonan di Jehova ta un ehempel tambe den otro áreanan. “Fuera di studia i haci oracion, nan meta ta pa rehabilitá alcohólico i drogadictonan i mustra hende e caminda di solidaridad i amor,” e editorial a agregá. Con nan ta logra esaki? E Testigonan sa cu siña i aplicá conseho bíblico ta yuda un persona libra su mes di bicio. Ta p’esei nan ta haci esfuerso pa siña otro hende loke nan a siña for di Bijbel. E editorial ta finalisá bisando cu nan ehempel ta “un ehempel cu sin duda, otro hende mester imitá urgentemente.”

E reunionnan di Testigonan di Jehova ta habrí pa público i no ta pasa colect. Bo ta cordialmente invitá pa bishitá e Salon di Reino den bo becindario.