E Lucha Contra Pobresa Ta un Bataya Perdí?

TURISTANAN cu bishitá Nacionnan Uní na New York City ta mira e Sala di Conseho Económico i Social. Den e plafon dje galeria público niun pipa cu kabel no ta tapá. E guia ta splica: “E plafon ‘no-acabá’ comunmente ta ser mirá como un recordatorio simbólico cu e trabou económico i social di Nacionnan Uní nunca ta caba; semper lo tin algu mas cu nos lo por haci pa mehorá e condicion di bida di hende na mundu.”

Maske e Conseho ta dedicá na e causa encomendabel di promové un nivel di bida mas haltu pa un i tur, e tarea ta parce infinito. Interesantemente, durante Jesucristo su ministerio riba tera den e promé siglo E.C., el a bisa: “E spiritu di Jehova ta riba mi, pasobra el a ungi mi pa declará bon nobo na hende pober.” (Lucas 4:18) Kico tabata e “bon nobo” cu el a declará? E tabata e mensahe tocante e Reino cu Jehova Dios, kende ta bira “un fortalesa pa esun pober den . . . angustia,” lo establecé cu Jesucristo como Rey. Kico e Reino ei lo logra? Isaías a profetisá: “Jehova di ehércitonan siguramente lo prepará pa tur pueblo . . . un bankete di plato cu hopi zeta, un bankete di biña mantené riba kachi-kachi, di plato cu hopi zeta yená cu tuti di wesu, di biña mantené riba kachi-kachi, filtrá. Lo e realmente traga morto pa semper, i e Señor Soberano Jehova siguramente lo limpia e lágrimanan for di tur cara.”—Isaías 25:4-6, 8.

Lo bo tin gana di sa mas tocante con e Reino di Dios lo “mehorá e condicion di bida di hende na mundu,” di tal manera cu no ta bai tin necesidad mas? Wak aki bou pa bo haña sa kico bo tin cu haci pa un maestro cualificá bishitá bo pa mustra bo mas tocante kico Bijbel ta bisa dje asuntunan aki.