Impresionnan Duradero

TUR aña Testigonan di Jehova ta reuní huntu den nan respectivo paisnan na asamblea i congresonan cristian. Nan ta haci esaki pa disfrutá di instruccion i asociacion spiritualmente edificante. Pero tin otro aspecto di nan reunimentu cu tambe ta laga un impresion duradero riba bishitantenan.

Por ehempel, na juli 1999 miles di Testigo na Mozambique a reuní huntu durante tres dia educativo n’e Congresonan di Distrito “Dios Su Palabra Profético.” Pa hopi di esnan presente, esaki tabata e promé congreso na cua nan a asistí. Nan a keda impresioná no solamente cu e palabranan cu nan a tende for di plataforma, sino tambe cu loke nan a mira rond di nan.

Un comentario cu un persona a haci n’e Salon di Asamblea di Maputo tabata: “Nunca di mi bida mi no a mira un lugá asina bunita! E bañonan tabatin habon i spiel i nan tabata asta hole limpi. Tabata reina un ambiente di pas sin e bochincha di mucha cu ta bringa cu otro. I no tabatin pushamentu! Mi a mira hóbennan contentu ta combersá cosnan stimulante. Loke tambe a impresioná mi ta cu tur hende tabata masha bon bistí. Otro biaha lo mi bini cu mi yunan i lo mi convencé mi casá cu nos tin cu asistí n’e congreso aki.”

Sí, hende ta ripará cu Testigonan di Jehova ta hende onesto, íntegro i físicamente limpi. Di con e Testigonan ta diferente? Pasobra nan realmente ta aplicá loke nan ta siña for di Bijbel. Pakico no reuní cu nan e aña aki na nan congresonan nacional, of na nan reunionnan semanal n’e Salon di Reino local i wak pa bo mes?

[Plachi na página 32]

ZAMBIA

[Plachi na página 32]

KENYA

[Plachi na página 32]

MOZAMBIQUE